قالوا لك اختار عصر من عصور مصر علشان تعيش فيه تختار أى عصر وفى عهد أى حاكم .. واشمعنى ؟
أختار أعيش في أيام سيدنا عمر بن الخطاب ... لأنه كان عهد قوة و عدل ورخاء للأمة الإسلامية .. كل واحد كان بياخد حقه .. مافيش مجال للغش او السرقة او الفساد .
أنا نفسي أشوف الرسول صلى الله عليه وسلم أكتر من سيدنا عمر رضي الله عنه .. لكن ماعتقدش إني هاقدر اعيش وأواجه الصعاب اللي واجهها الرسول عليه الصلاة والسلام اثناء بدء الدعوة .
أول أولوية فى حياتك عيلتك ولا شغلك ولا اصحابك؟
أول أولوية فى حياتك عيلتك ولا شغلك ولا اصحابك؟
عيلتي
ايه أكتر حاجة بتحبها فى رمضان ؟
ايه أكتر حاجة بتحبها فى رمضان ؟
جو الروحانيات الجميل اللي بيبقى موجود طول الشهر .
اوصف أجمل فطار ممكن تفطره؟
اوصف أجمل فطار ممكن تفطره؟
ممممم ... كورن فليييييكس .... إجز اند تشييييييز .... عصير جريب فرووووت .. ههههههههه
الفكرة مش في نوعية الأكل قد مابتفرق الظروف والجو المحيط بيك وانت بتفطر .. يعني اعتقد اجمل فطار هو اللي يبقى في مكان مفتوح .. والأرض نجيلة ..وقاعد بتاكل مع اهلك او اصحابك .... اما عن نوعية الأكل : ماله الفووووووول .. انا بحبه جدا ... بس يكون معمول بضمير .. فول بالزبدة .. فول بالطحينة .. فول بالسلطة .. فول بالزيت واللمون .
المهم الصحبة .
لو انت حاكم على مجموعة من الأفراد حتكون عادل ؟ طب حتتأكد أزاى انك حاكم عادل ؟؟
لو انت حاكم على مجموعة من الأفراد حتكون عادل ؟ طب حتتأكد أزاى انك حاكم عادل ؟؟
هاكون عادل جدا .. لأني بكره الظلم
أنا جربت مرة إني أكون قائد .. في أحد المعسكرات الكشفية لما كنت قائد رهط في المعسكر .. الحمد لله اعتقد اني نجحت في القيادة ونجحت في اني اكون عادل ... والنتيجة ان رهطي فاز بلقب الرهط المثالي بعد التنافس مع رهطين تانيين .
هاتأكد إزاي اني حاكم عادل : من الحالة النفسية العامة .. كل ما كان التذمر اقل .. كل ما كانت دي علامة ايجابية .
مين أكتر اعلامى مصرى بتحترمه ؟
مين أكتر اعلامى مصرى بتحترمه ؟
بص .. بعض السياسيين ورجال الدين ومحترفي الرياضة بيتحولوا بطبيعة الحال لإعلاميين .. لو سؤالك بيشملهم فانا هاقول كتيييير اوي من الشخصيات اللي باحترمهم ... لكن خلينا نضيق الدايرة للناس اللي هم اعلاميين في الأصل ..
وفي الحالة دي أقوللك : عمرو أديب و منى الشاذلي
لو ممكن تشتغل شغلانة تانية كنت تتمنى تبقى ايه ؟؟
لو ممكن تشتغل شغلانة تانية كنت تتمنى تبقى ايه ؟؟
مذيع أو خبير سياسي أو صاحب سلسلة مطاعم .... وماتسألنيش ايه علاقتهم ببعض .
ايه تانى بلد تتمنى تعيش فيها بعد مصر ؟؟
ايه تانى بلد تتمنى تعيش فيها بعد مصر ؟؟
السعودية أو الإمارات
اوصف ترتيبات اجمل فرح ممكن تحضره ؟
اوصف ترتيبات اجمل فرح ممكن تحضره ؟
مممممممم .. يكون بالنهار .. وقت العصاري كدة .. ويكون في جنينة كبيرة مفتوحة .. ويا سلام لو كان ورانا نهر او بحيرة .. وطبعا تبقى الترابيزات والكراسي شيك جدا ... ويبقى فيه في الفرح فقرات تفاعلية بيشارك فيها المعازيم .. ويبقى الغدا بوفيه مفتوح .. وتكون الخلفية موسيقى هادية ... وفي آخر الفرح العريس ياخد العروسة من ايديها ويجروا .. ويزوغوا من المعازيم في عربية فور باي فور والعريس هو اللي سايق ........
To be continued......
ههههههههههههههههههه
بتراعى كلام الناس والقيل والقال ؟؟ ولو اه او لا قول ليه ؟
بتراعى كلام الناس والقيل والقال ؟؟ ولو اه او لا قول ليه ؟
اه براعي كلام الناس بس الى حد ما .... يعني كل ما كنت مقتنع بالحاجة .. كل ما هاتجاهل كلام الناس .
صحيت من النوم ملقتش الموبايل ولا الكمبيوتر ولا الكاميرا الديجيتال ورجعنا لعصر الحمام الزاجل والحصنة هتكون سعيد ؟
صحيت من النوم ملقتش الموبايل ولا الكمبيوتر ولا الكاميرا الديجيتال ورجعنا لعصر الحمام الزاجل والحصنة هتكون سعيد ؟
نعم ؟؟ .. سعيد ايه ؟ .. الحاجات اللي انت قولت عليها دي بتسهل علينا حياتنا بشكل كبير اوي .. اكيد لو اختفت هاكون متضايق .
السعادة هى ..؟
السعادة هى ..؟
راحة البال
عندك أمل ؟ اسبابك ؟
عندك أمل ؟ اسبابك ؟
الحمد لله عندي أمل ... السبب : أنه لا ييأس من روح الله الا القوم الكافرون .
لما بتحب تهرب من كل شئ بتروح فين ؟؟
لما بتحب تهرب من كل شئ بتروح فين ؟؟
بناااااااااااااااااااااااام ... هههههههههههه
امتى اول مرة خدت فيها نفس طويل وقلت ياااه انا فعلا كبرت ؟؟
امتى اول مرة خدت فيها نفس طويل وقلت ياااه انا فعلا كبرت ؟؟
لما تميت 21 سنة ..من حوالي 6 اشهر .
بتشرب سجاير ؟؟ وايه شعورك اما ست او راجل بيشرب سجاير ؟ ليه ؟
بتشرب سجاير ؟؟ وايه شعورك اما ست او راجل بيشرب سجاير ؟ ليه ؟
لا .. مابشربش سجاير
شعوري لما الاقي حد بيشرب سجاير .. بصراحة بحس انه حاسس بنقص في شخصيته وبيحاول يكمله بالسجاير .
بتعرف ايدك اليمين من الشمال ازاى ؟؟
بتعرف ايدك اليمين من الشمال ازاى ؟؟
اليمين هي اللي بستريح اكتر وانا بستخدمها .
ايه اكتر الة موسيقية بتحبها ؟
ايه اكتر الة موسيقية بتحبها ؟
الجيتار
فى رأيك ليه الذوق والنخوة اتعدموا ؟
فى رأيك ليه الذوق والنخوة اتعدموا ؟
صيغة السؤال ده مرفوضة .. لأنك افترضت افتراض .. وافترضت اني مقتنع بافتراضك ..
مفروض السؤال يبقى : هل الذوق والنخوة اتعدموا ؟ ... فإجابتي هاتكون : لا .. هم مانعدموش .. ولكن قلوا إلى حد كبير جدا ... والحمد لله انك ماسألتنيش ليه .. لأني ماعرفش :D
ايه الحاجة اللى لو حصلت لك حتبقى سعيد اوى ؟
ايه الحاجة اللى لو حصلت لك حتبقى سعيد اوى ؟
حاجات كتييير لو حصلتلي هابقى سعيد اوي ... زي إني بإذن الله اتخرج واشتغل في حتة كويسة واحضر دراسات عليا بسرعة .. ايا كانت بقى ماستر زمالة معادلة .. لسة مش عارف .
وإني بإذن الله اتجوز الانسانة اللي بحبها .. ونخلف عيال كتير .
وحاجات تانية كتير ...
تحب يبقى عندك ارض زراعية ولا اجنس عربيات ولا كام عمارة ولا فلوس فى البنك ؟
تحب يبقى عندك ارض زراعية ولا اجنس عربيات ولا كام عمارة ولا فلوس فى البنك ؟
كام عمارة ... ولو سلسلة مطاعم يبقى اجمد .
البحر ولا النيل ؟
البحر ولا النيل ؟
حسب مودي .. ساعات بحب البحر اكتر لما اكون عايز انطلق وعندي طاقة .. وساعات بحب النيل اكتر لما اكون عايز اريح اعصابي وأتأمل ..
لكن بشكل عام خلينا نقول النيل .
مركب ولا طيارة ؟
مركب ولا طيارة ؟
طيارة
مجنون ولا عاقل ؟
مجنون ولا عاقل ؟
اعتقد اني عاقل ... وهو فيه مجنون بيقول على نفسه مجنون ؟؟ هههههههه
تقرا كتاب ولا تتفرج على فيلم ؟
تقرا كتاب ولا تتفرج على فيلم ؟
اتفرج على فيلم .. بحب افلام السينما اوي .
تمرر التاج ده لمين ؟
تمرر التاج ده لمين ؟
لاي حد عايزه .
